Beynəlxalq dərəcəli hakim-inspektor Babək Quliyev UEFA-dan növbəti dəfə təyinat alıb. Matc.az xəbər verir ki, o, 21 yaşadək futbolçular arasında Avropa çempionatının seçmə mərhələ oyununda iş başında olacaq.

Quliyev Qazaxıstanla Macarıstanın U-21-ləri arasında baş tutacaq qarşılaşmanın hakim inspektoru kimi fəaliyyət göstərəcək.

Qeyd edək ki, görüş martın 26-da Qazaxıstanın paytaxtı Almatıdakı “Almaty Ortalyk” stadionunda keçiriləcək.