01 Fevral 2022, 16:15

İngiltərənin "Arsenal" klubu heyətini yeni futbolçu ilə gücləndirib. Matc.az xəbər verir ki, London təmsilçisi ABŞ-ın "Kolorado" klubundan Oston Trastini transfer edib.
 
Bu barədə klubun mətbuat xidməti məlumat yayıb. 23 yaşlı müdafiəçi ilə razılaşmanın detalları açıqlanmayıb.
 
Oston Trasti mövsümün sonuna qədər icarə əsasında "Kolorado"da oynamağa davam edəcək. Amerikalı futbolçu yayda "Arsenal"a qoşulacaq.
 
Peşəkar karyerası ərzində cəmi 149 matça çıxan Trasti, bu oyunlarda 3 qol vurub və 2 məhsuldar ötürmə müəllifi olub. O, əvvəllər "Filadelfiya"nın da uğurları üçün çalışıb.

XƏBƏRİ PAYLAŞ
  • gplus
  • pinterest