Albaniyada keçirilən turnirin sonuncu - III turu formal xarakter daşıyıb. İlk iki oyundakı məğlubiyyətdən sonra elit-raund şanslarını rəsmən itirən Azərbaycan yığması ilə meydan sahibləri üz-üzə gəlib.

Bu gün 17 yaşadək futbolçular arasında Avropa çempionatının seçmə mərhələsində növbəti oyunlar keçirilir. Matç.az saytı xəbər verir ki, Azərbaycan yığmasının yer aldığı VIII qrupda mübarizəyə yekun vurulub.

Albaniyada keçirilən turnirin sonuncu - III turu formal xarakter daşıyıb. İlk iki oyundakı məğlubiyyətdən sonra elit-raund şanslarını rəsmən itirən Azərbaycan yığması ilə meydan sahibləri üz-üzə gəlib.

İlk yarının sonlarında penaltidən fərqlənən albaniyalılar minimalhesablı qələbə ilə sonuncu pillədən qurtulub. üç futbolçusu qırmızı vərəqə alan komandamız oyunun böyük hissəsini azlıqda keçirib.

Ramin Quliyevin baş məşqçisi olduğu yığmamız Norveçə 1:4, çexiyaya 0:2 hesabı ilə uduzduqdan sonra məğlubiyyət ənənəsini davam etdirib. Nəticədə komandamız turniri sonuncu pillədə başa vurub.

Turun digər oyununda elit-raunda yüksələn Norveçlə çexiya 1-ci yer uğrunda mübarizə aparıb. çexiyalıların vurduğu 1 qol matçın taleyini həll edib.

17 yaşadək futbolçular arasında Avropa çempionatı

Seçmə mərhələ, VIII qrup

III tur, 29 oktyabr

Albaniya – Azərbaycan – 1:0
Qol: Mario Milay, 44-p.
Qırmızı vərəqələr: Nemət Şıxəmirov, 34, Nemət Musayev, 90+4, Rauf Məhərrəmov, 90+4
Elbasan. "Elbasan Arena". Boris Marhefka, Tomas Vorel (hər ikisi Slovakiya), Sreten Udoviçiç, Admir Şehoviç (Bosniya və Herseqovina)

Norveç – çexiya – 0:1