Topaz Premyer Liqasının VIII turunun "Qəbələ" – "Neftçi" oyunu qalmaqalla yadda qalıb. Matç.az saytı xəbər verir ki, ikinci hissənin gedişində komandaların azarkeşləri arasında dava düşüb.

"Qəbələ"nin ikinci topu vurub hesabı 2:0 etməsindən sonra iki klubun fanatlar bir-birinin ünvanına təhqiramiz ifadələr işlətməyə başlayıb. Sonra "Neftçi" azarkeşləri əks tərəfin qərarlaşdığı sektorlara pirotexniki əşyalar atıb. Münaqişə stadiondakı polislərin sayəsində yatızdılrılıb. Onlar paytaxt təmsilçisinin fanatların əyləşdiyi sektora gedərək aranı sakitləşdirib.