27 Avqust 2022, 18:38
APL

Sabah Premyer Liqada 4-cü tura yekun vurulacaq. Matc.az xəbər verir ki, günün yeganə matçında çempionatın liderləri üz-üzə gələcək.
 
İlk üç turda xal itkisi ilə üzləşməyən "Qəbələ" və "Sabah" "qırmızı-qaralar"ın meydanında qarşılaşacaq.
 
Qəbələ şəhər stadionundakı görüş iki komanda arasında 20-ci matç olacaq. İndiyədək rəqiblər ümumilikdə 19 dəfə görüşüb. Əvvəlki oyunlarda üstünlük "Qəbələ"nin tərəfindədir. 9 dəfə rəqibini məğlub edən "Qəbələ" 3 dəfə heç-heçə edib və 7 görüşdə uduzub. Rəqib qapısına 23 qol vuran "Qəbələ" futbolçuları eyni sayda top buraxıblar. ülvi İsgəndərov, Davit Volkov, Klesio Bauk və Nikolas Raysel bu matçlarda daha çox - hərəyə 3 qol vurublar.
 
İndiyədək keçirilən 19 matçdan 15-i çempionat, 4-ü kubok çərçivəsində baş tutub. Premyer Liqada 5 qələbə və 3 heç-heçəsi olan "Qəbələ" 7 qarşılaşmadan xalsız ayrılıb. Top fərqi bakılıların xeyrinədir – 15:21.
 
"Qəbələ" ev qarşılaşmalarında üstünlüyə malikdir. Evdə 4 qələbə və 3 heç-heçəsi olan bu komanda 2 matçda məğlub olub. Bu oyunlarda 14 qola sevinən "Qəbələ" futbolçuları 13 top buraxıb.
 
Qəbələ şəhər stadionunda keçiriləcək "Qəbələ" - "Sabah" oyunu saat 20:30-da başlayacaq.

XƏBƏRİ PAYLAŞ
  • gplus
  • pinterest