Türkiyənin "Fənərbaxça" klubu ciddi itki ilə üzləşib. Matc.az xəbər verir ki, İstanbul təmsilçisinin futbolçusu Nabil Dirar qasıq ağrıları səbəbindən bu gün əməliyyat olunub.
 
Bu barədə klubun rəsmi saytı məlumat yayıb. Artıq müalicəsinə start verilən mərakeşli legioner azı bir ay yaşıl meydanlardan kənarda qalmalı olacaq.
 
"Fənərbaxça" bu müddət ərzində "Dənizlispor", "Konyaspor", "Kayserispor" və "Kasımpaşa" ilə qarşılaşacaq.
 
Dirar, bu mövsüm "Fənərbaxça"nın heyətində meydana çıxdığı 7 oyunda 2 qol vurub.

XƏBƏRİ PAYLAŞ
  • gplus
  • pinterest