13 Noyabr 2026, 09:44
FUTBOL

“Nəticəni oyunun özündən ayırmalıyıq. Düşünürəm ki, minimal hesablı məğlubiyyətdən daha artığına layiq idik”. Matc.az xəbər verir ki, bunu Xorvatiya yığmasının baş məşqçisi Slaven Biliç deyib. 
 
O, Millətlər Liqasının V turunda Londonda İngiltərəyə 1:2 hesablı məğlubiyyətə baxmayaraq, futbolçularının çıxışından razı qaldığını və nəticənin meydandakı mübarizəni tam əks etdirmədiyini söyləyib. 
 
Biliç Riyekada 0:7 hesablı məğlubiyyətdən sonra futbolçularının “Uemblı”də xarakter nümayiş etdirməsini də xüsusi qeyd edib. Penalti epizodunu şərh edən mütəxəssis qərarın ona mübahisəli göründüyünü və meydan sahiblərinin xeyrinə olduğunu düşündüyünü deyib. Bununla belə, taktiki baxımdan komandasının oyununda ciddi iradının olmadığını vurğulayıb. 
 
Qeyd edək ki, Xorvatiya millisi növbəti oyununu bazar günü Osiyekdə Çexiyaya qarşı keçirəcək.
 

XƏBƏRİ PAYLAŞ
  • gplus
  • pinterest