13 Noyabr 2026, 09:33
FUTBOL

"Növbəti 10 dəqiqə ərzində çətinlik çəksək də, sonradan oyunumuzu tapdıq və olduqca yaxşı çıxış etdik. Qələbə qazanmaq vacibdir – biz gənc komandayıq və özümüzü sübut etməliyik"

“Qarşılaşma ərzində, xüsusilə də birinci hissədə yaxşı oynadığımız anlar oldu. Düzdür, daha çox qol vura bilmədik, amma kifayət qədər şans yaratdıq, hətta iki dəfə topu dirəyə vurduq. Hər şey pis deyildi”. Matc.az xəbər verir ki, bunu Fransa yığmasının baş məşqçisi Zinəddin Zidan deyib.
 
Fransa Millətlər Liqasının V turunda İtaliya ilə qarşılaşıb. Milanda keçirilən görüşdə meydan sahibləri 3:1 hesablı qələbə qazanıblar. 
Oyunla bağlı danışan Zidan bildirib ki, komandası ikinci hissədə çətinlik çəkib: “Məni məyus edən yeganə məqam İtaliyanın ikinci qoluna cavab verə bilməməyimiz oldu. İkinci hissədə müdafiədə bir qədər çətinlik çəkdik”.
 
İtaliya millisinin baş məşqçisi Roberto Mançini isə qələbənin komanda üçün əhəmiyyətini vurğulayıb: “Fransanı məğlub etmək asan deyildi, çünki onların heyətində inanılmaz oyunçular var. Onlar dünyanın ən yaxşı komandalarından biridir. İlk 10 dəqiqə ərzində buraxdığımız qola səbəb olan bir səhvə yol verdik; növbəti 10 dəqiqə ərzində çətinlik çəksək də, sonradan oyunumuzu tapdıq və olduqca yaxşı çıxış etdik. Qələbə qazanmaq vacibdir – biz gənc komandayıq və özümüzü sübut etməliyik”.
 
Qeyd edək ki, Millətlər Liqasının növbəti turunda İtaliya Belçika ilə, Fransa isə Türkiyə ilə qarşılaşacaq. Hər iki oyun noyabrın 15-nə təyin olunub.
 

XƏBƏRİ PAYLAŞ
  • gplus
  • pinterest