"Arsenal" və PSJ "Mançester Yunayted"in mərkəz müdafiəçisi Leni Yoro ilə yaxından maraqlanırlar.

Matc.az xəbər verir ki, bu barədə "Caught Offside" idman nəşri məlumat yayıb.

Bildirilir ki, fransalı futbolçu komandadakı rolundan narahatdır. Vəziyyətə aydınlıq gətirmək üçün yaxın vaxtlarda danışıqlar aparılacaq, lakin digər klublar bunu oyunçunun təklifləri nəzərdən keçirməyə hazır olması barədə aydın bir siqnal kimi qəbul ediblər.

Cari mövsümdə Yoro bütün turnirlərdə cəmi 4 matçda iştirak edib. Futbolçunun klubla hazırkı müqaviləsi 2029-cu ilin yayına qədər nəzərdə tutulub. Avropa nəhənglərinin transfer hədəfində olan fransalı müdafiəçinin dəyəri 50 milyon avro qiymətləndirilir.