"Beşiktaş" klubunun futbol direktoru Öndər Özən hücumçu Məhəmməd Salahın Türkiyə təmsilçisinə mümkün keçidi ilə bağlı mövcud vəziyyətdən danışıb.

Matc.az xəbər verir ki, bu barədə beIN SPORTS Türkiye telekanalı məlumat yayıb.

Öndər Özən "Məhəmməd Salah dünya ulduzudur. Onun beynəlxalq səviyyədə tanınma dərəcəsi çox yüksəkdir. Danışıqların ilkin mərhələsində mən və Vinçenzo İtalyano Məhəmməd Salahla üç dəfə danışdıq. Lakin ilk günlərdə, iyulun 21-dən etibarən olan müsbət dinamika zəiflədi" deyə bildirib.

"Beşiktaş" təmsilçisinin sözlərinə görə, klub rəhbərliyi misirli futbolçunun transferi üzərində işi müvəqqəti olaraq dayandırmaq qərarına gəlib.

Öndər Özən "Prezidentimiz dayanmaq lazım olan məqamı çox düzgün müəyyənləşdirdi və bu mövqedə qaldı. Populyar qərar əvəzinə realist bir qərar qəbul etdi və hazırda danışıqlardan geri çəkildi. Məhəmməd Salah məsələsi bizim üçün hələlik təxirə salınıb" deyib.