"Mançester Siti"nin hücumameyilli yarımmüdafiəçisi Fil Foden karyerasını "Milan"da davam etdirə bilər.

Matc.az xəbər verir ki, bu barədə İtaliyanın "Tuttosport" idman nəşri məlumat yayıb.

Bildirilir ki, "Milan" rəhbərliyi hazırda növbəti mövsüm üçün komandanın hücum xəttini gücləndirmək yollarını axtarır və ingiltərəli futbolçu İtaliya klubunun transfer siyahısında yer alır. Lakin "rossonerilər" 26 yaşlı oyunçunun keçidini yalnız Rafael Leaunun satışından sonra reallaşdıra bilərlər. Portuqaliyalı ulduz komandanın yeni baş məşqçisi Ruben Amorimin gələcək planlarına daxil deyil.

Fodenin "Mançester Siti" ilə hazırkı müqaviləsinin müddəti 2027-ci ilin yayına qədərdir və transfer dəyəri 70 milyon avro qiymətləndirilir. O, ötən mövsüm "şəhərlilər"in heyətində bütün turnirlərdə meydana çıxdığı 50 matçda 10 qol və 7 məhsuldar ötürmə ilə yadda qalıb. Yarımmüdafiəçi İngiltərə millisinin dünya çempionatı üçün hazırlanan yekun sifariş vərəqinə daxil edilməmişdi.