İspaniya və Argentina milliləri arasında keçirilən 2026-cı il dünya çempionatının final matçında yeganə qolun müəllifi olan Ferran Torres qarşılaşmanın ən yaxşı oyunçusu seçilib.

Matc.az xəbər verir ki, bu barədə FİFA-nın mətbuat xidməti məlumat yayıb.

Qarşılaşmanın 106-cı dəqiqəsində fərqlənən ispaniyalı hücumçuya mükafatı tanınmış müğənni Şakira təqdim edib.

"Barselona"nın 26 yaşlı futbolçusunun vurduğu bu qol onun cari dünya çempionatındakı ilk qolu olmaqla yanaşı, həm də komandasına çempionluq qazandıran qızıl qol olub. O, turnir ərzində daha öncə yalnız Portuqaliyaya qarşı keçirilən 1/8 final oyununda bir məhsuldar ötürmə ilə yadda qalmışdı.

Qeyd edək ki, Torres İspaniya yığmasının heyətində çıxış etdiyi 65 matçda ümumilikdə 25 qol vurub və 9 məhsuldar ötürmə edib. Bu, "Barselona"nın üzvünün İspaniya millisi ilə qazandığı ikinci böyük kubokdur. Təcrübəli forvard daha əvvəl 2024-cü ildə Avropa çempionu tituluna sahib çıxmışdı.