AFFA İntizam Komitəsi II Liqanın XXVII turunun oyunlarında baş verən qayda pozuntuları ilə bağlı qərarlar qəbul edib.

AFFA İntizam Komitəsinin növbəti iclası keçirilib.

Matc.az xəbər verir ki, iclasda II Liqanın XXVII turunun oyunlarında baş verən qayda pozuntuları ilə bağlı aşağıdakı qərarlar qəbul edilib:

17 may 2026-cı il tarixində II Liqada XXVII turun “Kür-Araz” – “Araz Saatlı” oyununda təşkilati-texniki öhdəliklər pozulduğuna görə “Kür-Araz” komandası 100 manat cərimə edilsin (maddə 68.1);

17 may 2026-cı il tarixində II Liqada XXVII turun “Kür-Araz” – “Araz Saatlı” oyununa Təcili Tibbi Yardım avtomobili təyin edilmiş vaxtdan gec gəldiyinə görə matç gec başladığı üçün “Kür-Araz” komandası 200 manat cərimə edilsin (maddə 57.2);

17 may 2026-cı il tarixində II Liqada XXVII turun “Kür-Araz” – “Araz Saatlı” oyununun 90+2-ci dəqiqəsində “Kür-Araz” komandasının azarkeşləri meydançaya düşərək rəqib futbolçulara fiziki təzyiq göstərdiyinə görə “Kür-Araz” komandasının növbəti mövsümdə ilk 5 ev oyunu azarkeşsiz keçirilsin (99, 86.5);

17 may 2026-cı il tarixində II Liqada XXVII turun “Kür-Araz” – “Araz Saatlı” oyununda təhlükəsizlik tam təmin edilmədiyinə görə “Kür-Araz” komandasına 0:3 hesablı texniki məğlubiyyət verilsin (maddə 86.6);

17 may 2026-cı il tarixində II Liqada XXVII turun “Kür-Araz” – “Araz Saatlı” oyununun 90+1-ci dəqiqəsində “Araz Saatlı” komandası meydanı özbaşına tərk etdiyinə görə “Araz Saatlı” komandasına 0:3 hesablı texniki məğlubiyyət verilsin, “Araz Saatlı” komandası 2000 manat cərimə edilsin (maddə 77.1);

17 may 2026-cı il tarixində II Liqada XXVII turun “Kür-Araz” – “Araz Saatlı” oyununun 90+1-ci dəqiqəsində “Kür-Araz” komandasının 3 nömrəli futbolçusu Eltun Həsənli təcavüzkar davranışa görə birbaşa qırmızı vərəqə aldıqdan sonra rəqibə qeyri-etik jestlər etdiyinə görə bütün turnirlər daxil olmaqla 8 oyun oyuna buraxılmasın, “Kür-Araz” komandası 1000 manat cərimə edilsin (maddə 45.2, 52.3);

17 may 2026-cı il tarixində II Liqada XXVII turun “Kür-Araz” – “Araz Saatlı” oyununun 90+1-ci dəqiqəsində “Kür-Araz” komandasının 4 nömrəli futbolçusu Nihat Paşayev təcavüzkar davranışa görə birbaşa qırmızı vərəqə aldığı üçün 5 oyun oyuna buraxılmasın, “Kür-Araz” komandası 300 manat cərimə edilsin (maddə 45.1);

17 may 2026-cı il tarixində II Liqada XXVII turun “Kür-Araz” – “Araz Saatlı” oyununun 90+1-ci dəqiqəsində “Kür-Araz” komandasının 5 nömrəli futbolçusu Nicat Quliyev rəqib futbolçuya zərbə endirdiyinə görə 5 oyun oyuna buraxılmasın, “Kür-Araz” komandası 300 manat cərimə edilsin (maddə 45.1);

17 may 2026-cı il tarixində II Liqada XXVII turun “Kür-Araz” – “Araz Saatlı” oyununun 90+1-ci dəqiqəsində “Kür-Araz” komandasının 20 nömrəli futbolçusu İbrahim Əliyev rəqib futbolçuya zərbə endirdiyinə görə 5 oyun oyuna buraxılmasın, “Kür-Araz” komandası 300 manat cərimə edilsin (maddə 45.1);

17 may 2026-cı il tarixində II Liqada XXVII turun “Kür-Araz” – “Araz Saatlı” oyununun 90+3-cü dəqiqəsində “Kür-Araz” komandasının 77 nömrəli futbolçusu Museyib Vəlizadə rəqib futbolçuya zərbə endirdiyinə görə 5 oyun oyuna buraxılmasın, “Kür-Araz” komandası 300 manat cərimə edilsin (maddə 45.1);

17 may 2026-cı il tarixində II Liqada XXVII turun “Kür-Araz” – “Araz Saatlı” oyununun 90+1-ci dəqiqəsində “Araz Saatlı” komandasının 4 nömrəli futbolçusu Ramiz Qasımov təcavüzkar davranışa görə birbaşa qırmızı vərəqə aldığı üçün bütün turnirlər daxil olmaqla 8 oyun oyuna buraxılmasın, “Araz Saatlı” komandası 450 manat cərimə edilsin (maddə 45.2);

17 may 2026-cı il tarixində II Liqada XXVII turun “Kür-Araz” – “Araz Saatlı” oyununun 90+1-ci dəqiqəsində “Araz Saatlı” komandasının 3 nömrəli futbolçusu Rüstəm Rüstəmov təcavüzkar davranışa görə birbaşa qırmızı vərəqə aldığı üçün bütün turnirlər daxil olmaqla 8 oyun oyuna buraxılmasın, “Araz Saatlı” komandası 450 manat cərimə edilsin (maddə 45.2);

17 may 2026-cı il tarixində II Liqada XXVII turun “Kür-Araz” – “Araz Saatlı” oyununun 90+2-ci dəqiqəsində “Araz Saatlı” komandasının təhlükəsizlik üzrə meneceri, cəzalı Xəyal Məmmədov meydançaya daxil olaraq rəqib futbolçulara qarşı fiziki güc tətbiq etdiyinə görə 8 oyun oyuna buraxılmasın, “Araz Saatlı” komandası 800 manat cərimə edilsin (maddə 99, 53.3);

17 may 2026-cı il tarixində II Liqada XXVII turun “Kür-Araz” – “Araz Saatlı” oyununda “Araz Saatlı” komandasının 5 futbolçusu sarı vərəqə aldığı üçün “Araz Saatlı” komandası 70 manat cərimə edilsin (maddə 43.1);

18 may 2026-cı il tarixində II Liqada XXVII turun “Şirvan” – “Qaradağ Lökbatan” oyununda “Şirvan” komandasının 4 futbolçusu sarı vərəqə aldığı üçün “Şirvan” komandası 70 manat cərimə edilsin (maddə 43.1);

18 may 2026-cı il tarixində II Liqada XXVII turun “Şirvan” – “Qaradağ Lökbatan” oyunu bitdikdən sonra meydançaya kənar şəxslər daxil olduğuna və bu hal cari mövsümdə 2-ci dəfə təkrarlandığına görə “Şirvan” komandası 500 manat cərimə edilsin (maddə 86.3);

18 may 2026-cı il tarixində II Liqada XXVII turun “Quba” – “Dinamo” oyununda “Quba” komandasının 5 futbolçusu sarı vərəqə aldığı üçün “Quba” komandası 70 manat cərimə edilsin (maddə 43.1);

18 may 2026-cı il tarixində II Liqada XXVII turun “Quba” – “Dinamo” oyununun 67-ci dəqiqəsində “Dinamo” komandasının 19 nömrəli futbolçusu Elvin Cahangirli ikinci sarıdan qırmızı vərəqə aldığı üçün 1 oyun oyuna buraxılmasın, “Dinamo” komandası 50 manat cərimə edilsin (maddə 17.5, 17.7);

18 may 2026-cı il tarixində II Liqada XXVII turun “Şəmkir” – “Xankəndi” oyununa Təcili Tibbi Yardım avtomobili təyin edilmiş vaxtdan gec gəldiyinə görə matç gec başladığı üçün “Şəmkir” komandası 200 manat cərimə edilsin (maddə 57.2);

18 may 2026-cı il tarixində II Liqada XXVII turun “Şəmkir” – “Xankəndi” oyununun 49-cu dəqiqəsində “Xankəndi” komandasının 7 nömrəli futbolçusu Bəhruz Teymurov təcavüzkar davranışa görə birbaşa qırmızı vərəqə aldığı üçün 3 oyun oyuna buraxılmasın, “Xankəndi” komandası 300 manat cərimə edilsin (maddə 45.1).