"Brügge"nin hücumçusu Nikolo Tresoldi karyerasını İngiltərə Premyer Liqasında davam etdirə bilər.

Matc.az xəbər verir ki, bu barədə jurnalist Kristian Falk məlumat yayıb.

"Arsenal" Almaniya U-21 millisinin üzvünü transfer etmək istəyir. Artıq klublar arasında aktiv danışıqlar başlayıb. London klubu 21 yaşlı forvardı yayda heyətinə qatmağa çalışacaq.

Qeyd edək ki, Nikolo Tresoldi bu mövsüm "Brügge"nin heyətində keçirdiyi 48 oyunda 17 qol vurub, 5 qol ötürməsi edib.