"Qarabağ"ın "24-lük"də olması məni təəccübləndirmədi".

"Nyukasl"ın futbolçusu Antoni Elanqa UEFA Çempionlar Liqası pley-off mərhələsinin sabah "Qarabağ"la keçiriləcək ilk oyunundan öncə baş tutan mətbuat konfransında iştirak edib.

Matc.az xəbər verir ki, isveçli vinger Azərbaycan çempionunun qeyri-adi komanda olduğunu deyib:

"Qarabağ" qeyri-adi komandadır, güclü kollektivi var. Bizim də komandamız güclüdür. Komanda şəklində oynayırıq. Gələcəyə pozitiv baxırıq. Sabahkı oyuna fokuslanmışıq. Qarşılaşmaya ciddi hazırlaşmışıq. "Qarabağ"ın da ambisiyaları böyükdür. Çalışacağıq, bu səddi aşaq və bacardığımız qədər irəli gedək.

"Qarabağ"ın "24-lük"də olması məni təəccübləndirmədi. Onların potensialını bilirik. "Kopenhagen" və "Çelsi" ilə matçları diqqətimizi çəkdi. Bilirik ki, asan olmayacaq. Çempionlar Liqasında asan rəqib yoxdur".