ABŞ prezidenti Donald Tramp 2026-cı il dünya çempionatının qrup mərhələsinin püşkatma mərasiminə qatılıb.

Matc.az xəbər verir ki, Tramp mundiala bilet satışlarının record həddə olduğunu vurğulayıb:

"Burada olmaq böyük şərəfdir. Canni İnfantino fantastik iş görüb. Bilet satışları rekordlar qırır. Yəni, biz artıq rekord qırmışıq və bu, əladır".

ABŞ prezidenti "Amerika dünya çempionatının qalibi ola bilərmi" sualını da cavablandırıb:

"Düşünürəm ki, bu mümkündür. Hesab edirəm ki, burada bir çoxlarının şansı var. Yarış olduqca çətin olacaq, amma deyərdim ki, ABŞ milli komandasının kiçik bir şansı var".