"Bavariya"nın qapıçısı Manuel Noyer Münhen klubundakı gələcəyini dəyərləndirib.

Matc.az xəbər verir ki, 39 yaşlı qolkiper yeni müqavilə ilə bağlı sualı cavablandırıb.

"Yeni müqavilə? Həlledici amil özümü necə hiss etməyim olacaq. Mövsümün ikinci yarısında görəcəyik.

Bu barədə mart ayına yaxın, milli fasilə zamanı düşünəcəyəm", - Noyer deyib.

Qeyd edək ki, qapıçı "Bavariya"ya 2011-ci ilin yayında "Şalke"dən qoşulub və 2017-ci ildən bəri klubun kapitanıdır. O, iki dəfə Bundesliqanı, Almaniya Kubokunu və Çempionlar Liqasını (2013 və 2020) qazanıb.

Noyer ümumilikdə 12 dəfə Bundesliqa çempionu olub, 6 dəfə Almaniya Kubokunu və 8 dəfə Superkuboku qazanıb.

Onun klubla hazırkı müqaviləsi 2026-cı ilin yayında başa çatır. Noyer bu mövsüm 17 oyunda iştirak edib.