"Bavariya"nın qolkiperi Manuel Noyer Bundesliqada keçirdiyi oyun sayına görə qapıçılar arasında ilk ikiyə daxil olub.

Matc.az xəbər verir ki, bu barədə "Opta" məlumat yayıb.

Bundesliqanın 12-ci turunda Münhen klubu və "Sankt-Pauli" arasında keçirilən qarşılaşma Manuel Noyerin Almaniya çempionatında 534-cü oyunu olub. Bu göstərici ilə o, ötən əsrdə Dortmund "Borussiya"sı və "Ştutqart"da oynamış Eyke İmmel ilə matç sayını bərabərləşdirib.

Bundesliqada 557 oyunla Oliver Kan liderlik edir.

Qeyd edək ki, Noyer 2011-ci ildən bəri "Bavariya"da oynayır. Bu müddət ərzində o, 12 Almaniya çempionluğu titulunu, 5 Almaniya Kubokunu və 8 Super Kuboku qazanıb. Təcrübəli qapıçı həmçinin iki dəfə Çempionlar Liqasının qalibi olub.