Fransanın "Lens" klubunun müdafiəçisi Conatan Qradinin məşq zamanı iki yerdən ayağı sınıb.

Matc.az xəbər verir ki, bu barədə klubun mətbuat xidməti məlumat yayıb.

Bildirilir ki, məşq zamanı baldır və fibula sümüyü sınınan müdafiəçi əməliyyat olunacaq. O, bir neçə ay meydanlardan kənar qalacaq.

Qeyd edək ki, 33 yaşlı Qradi 2019-cu ilin yayından bəri "Lens"də oynayır. O, komanda üçün ümumilikdə 192 oyun keçirib, 2 qol vurub və 5 məhsuldar ötürmə edib.

"Lens" 13 oyundan sonra 28 xalla Liqa 1 turnir cədvəlində üçüncü yerdədir.