Fernando Muslera ilə yollarını ayıran "Qalatasaray" yeni qapıçısını Yunanıstanda tapıb.

Matc.az xəbər verir ki, bu barədə "Sabah" nəşri məlumat yayıb.

İstanbul klubu PAOK-da çıxış edən Dominik Kotarskini transfer etməyə yaxındır. "Qalatasaray"ın xorvatiyalı qolkiper üçün Yunanıstan klubuna 13 milyon avro təzminat ödəyəcəyi bildirilir.

Qeyd edək ki, Dominik Kotarski 2022-ci ilin yayından PAOK-da çıxış edir. 25 yaşlı futbolçunun klubu ilə müqaviləsi 2028-ci ilin yayına kimidir.