AFFA İntizam Komitəsinin iclasında aşağı yaş qrupları üzrə liqalardakı neqativ hallar da hüquqi qiymətini tapıb. Matc.az xəbər verir ki, bu barədə qurum saytında məlumat yayılıb.

AFFA U-17 Liqasında keçirilən Səbail PFK - Sabah FK oyununda birincilərin futbolçusu Əli Quliyev qarşılaşmanın 87-ci dəqiqəsində rəqibi təhqir etdiyi üçün qırmızı vərəqə ilə cəzalandırılmasına görə 3 oyunluq cəzalandırılıb. Səbail PFK-nın digər futbolçusu Əli Əliyev isə qarşılaşmanın 87-ci dəqiqəsində təcavüzkar davranışa (rəqibi əli ilə vurmağa cəhd etdiyinə) görə qırmızı vərəqə aldığı üçün 2 oyunluq cəzalandırılıb.

Sözügedən qarşılaşmada Sabah FK komandasının futbolçusu Akif Allahverdiyev qarşılaşmanın 87-ci dəqiqəsində rəqibi vurduğuna və təhqir etdiyinə görə qırmızı vərəqə aldığı üçün 4 oyunluq cəzalandırılıb.

AFFA U-14 Liqasında keçirilən Liman FK - EFA oyununda EFA komandasının futbolçusu Nihad İlyaszadə qarşılaşmanın 70-ci dəqiqəsində hakimi təhqir etdiyinə görə qırmızı vərəqə aldığı üçün 2 oyunluq cəzalandırılıb.  Bu görüşdə Liman FK komandasının futbolçusu Rəşad Nəcəfov qarşılaşmanın 78-ci dəqiqəsində hakimi təhqir etdiyinə görə qırmızı vərəqə aldığı üçün 2 oyunluq cəzalandırılıb.