“RMC Sport”un jurnalisti Daniel Riolo “Real”ın dünən UEFA Çempionlar Liqasında evdə “Milan”a 1:3 hesabı ilə uduzmasına münasibət bildirib. Matc.az xəbər verir ki, o, komandanın çalışdırıcısı Karlo Ançelottinin hücumçu Kilian Mbappedən düzgün istifadə etmədiyini düşünür.

Riolo bildirib ki, Mbappe yanlış mövqedə oynadılır: “Real” mərkəz hücumçusuz oynayır. Dəfələrlə demişəm, yenə təkrar edirəm ki, Mbappe “9 nömrə” deyil və heç vaxt olmayacaq. O ya hücumun sol cinahında oynamalıdı, ya da ehtiyatda qalmalıdı! Hazırda solda Mbappedən üstün olan Vinisius Junior çıxış edir. Bu isə o deməkdi ki, Kilian ehtiyat oyunçular skamyasında əyləşməlidi! Başqa cür ola bilməz”.