UEFA Konfrans Liqqasının III təsnifat mərhələsinin cavab oyununda "Zirə" ilə qarşılaşacaq "Osiyek" Bakıya yollanıb.

UEFA Konfrans Liqqasının III təsnifat mərhələsinin cavab oyununda "Zirə" ilə qarşılaşacaq "Osiyek" (Xorvatiya) Bakıya yollanıb.

Matc.az xəbər verir ki, komandanın baş məşqçisi Federiko Koppitelli Bakı səfərindən əvvəl rəqib komanda və keçiriləcək görüş haqda danışıb.

O, klubun rəsmi saytına açıqlamasında "Zirə" ilə oyuna tam hazır olduqlarını deyib: "Məqsədimiz Konfrans Liqasında mübarizəni davam etdirməkdir. "Osiyek"də keyfiyyətli komandaya qarşı çox yaxşı oyun keçirdik və bu onu göstərir ki, həmin 93 dəqiqədə onlara qarşı möhtəşəm çıxış qələbə üçün kifayət etmir. Bununla belə, bu, bizə inam verir, eyni zamanda, rəqibin gücünü göstərir. Lakin onlar bizim yeganə səhvimizdən istifadə etdilər və qələbəyə layiq olsaq da, oyun heç-heçə başa çatdı. "Zirə"nin artıq ev sahibi olması oyunun çətin keçəcəyini göstərir. Düşünürəm ki, komandamız yaxşı hazırlaşıb. Uğurlu nəticə üçün kifayət qədər enerjimiz və həvəsimiz olacaq".

Qeyd edək ki, "Zirə" - "Osiyek" oyunu avqustun 15-də baş tutacaq. Bu komandaların Xorvatiyadakı ilk görüşü 1:1 hesabı ilə nəticələnib.