Klubların avrokuboklardakı nəticələrinə əsasən açıqlanan UEFA reytinqi yenilənib. Matc.az xəbər verir ki, dünən baş tutan oyunlardan sonra bəzi yerdəyişmələr olub.

Son beş mövsümdəki xal sayı 18,375-də qalan Azərbaycan bir pillə geriləyərək, 24-cülüyə düşüb. Ölkəmizi eyni xala malik Slovakiya qabaqlayıb. Cari mövsümdəki xal ehtiyatımız isə 1,625-di.

Azərbaycanla bərabər Türkiyə, Yunanıstan, Rusiya, Kipr, Farer adaları, Latviya və Finlandiyada da geriləmə olub. Çexiya, Danimarka, Slovakiya, İsveç və Ermənistan isə irəliləyib.

Qeyd edək ki, UEFA reytinqinə İngiltərə (89,160) başçılıq edir. İtaliya (79,106) ikinci, İspaniya isə (73,989) üçüncüdü.