20 Mart 2023, 23:32

İspaniya La Liqasının 26-cı turunun "Real"la oyunu "Barselona"nın futbolçusu Frank Kessye üçün əlamətdar olub. Matc.az xəbər verir ki, komandasının qələbə qolunu 90+2-ci dəqiqədə fərqlənən yarımmüdafiəçi vurub.
 
Bu, "Barselona"nın La Liqa çərçivəsində "Nou Kamp"da vurduğu 3000-ci qol kimi tarixə düşüb.
 
Xatırladaq ki, Kataloniya təmsilçisi Madrid klubu ilə matçda 2:1 hesablı əzmkar qələbəyə sevinib. Meydan sahiblərinin digər qolunu Serxi Roberto vurub.
 
Bu mövsümün əvvəlində "Milan"dan "Barselona"ya keçən Kessye 32 oyuna çıxıb, 3 qol və 3 məhsuldar ötürmə ilə yadda qalıb.

XƏBƏRİ PAYLAŞ
  • gplus
  • pinterest