22 Fevral 2023, 10:07
FUTBOL

Konfrans Liqasının pley-off mərhələsində "Gent"lə "Qarabağ" arasında keçiriləcək cavab oyununa maraq gözləniləndən azdı. Matc.az xəbər verir ki, bu barədə Belçika mətbuatı məlumat yayıb.
 
Bildirilib ki, sabah "Qelamko Arena"da baş tutacaq qarşılaşma üçün satışa çıxarılan biletlərin heç yarısı alınmayıb. Belə ki, indiyə qədər cəmi 9000 bilet satılıb. Matçın baş tutmasına cəmi bir gün qalsa da, hələ 11 min bilet sahibini gözləyir. Marağın az olmasına səbəb kimi, matçın həftəiçi və yerli vaxtla saat 21:00-da (Bakı vaxtı ilə 00:00) keçirilməsi göstərilib.
 
Qeyd edək ki, oyunun keçiriləcəyi arena 20 min azarkeş tutumuna malikdi. Bakıdakı ilk matçda "Qarabağ" 1:0 hesablı qələbə qazanıb.
 
XƏYAL
 

XƏBƏRİ PAYLAŞ
  • gplus
  • pinterest