15 Avqust 2022, 15:35
DİGƏR

Türkiyənin Konya şəhərində keçirilən 5-ci İslam Həmrəylik Oyunlarında ağır atletika üzrə mübarizə davam edir. Matc.az xəbər verir ki, Azərbaycan bu turnirdə 10 nəfər – 3 qadın və 7 kişi idmançı ilə mübarizə aparır.
 
Bu gün onlardan daha biri – Dadaş Dadaşbəyli mübarizəyə qoşulub. İdmançımız 102 kq çəki dərəcəsində yarışıb.
 
Atletimiz birdən qaldırma hərəkətində 174 kq-ı ram edərək bu hərəkətdə gümüş medal qazanıb.
 
Təkanla qaldırma hərəkətində 210 kq-ın öhdəsindən gələn idmançımız bu hərəkətdə 5-ci yeri tutub.
 
Toplam 384 kq (174+210) nəticə ilə Dadaş Dadaşbəyli yekun sıralamada 4-cü yerə layiq görülüb.

XƏBƏRİ PAYLAŞ
  • gplus
  • pinterest