15 Avqust 2022, 13:05
FUTBOL

Çempionlar Liqasının 2000/01 mövsümündə "Şəmkir" çexlərə ilişib. II təsnifat mərhələsində "Slaviya" ilə üz-üzə gələn komanda hər iki matçda uduzub - səfərdə 0:1, evdə 1:4.

"Qarabağ" çempionlar Liqasının pley-off mərhələsində "Viktoriya" (Plzen) ilə üz-üzə gələcək. Matc.az xəbər verir ki, Azərbaycan klubları indiyə qədər 5 dəfə avrokuboklarda çexiya təmsilçilərinə rəqib olub. Baş tutan 10 qarşılaşmanın heç birində qələbə qazanmaq mümkün olmayıb.
 
İlk belə duel UEFA Kubokunun 1997/98 mövsümünə təsadüf edib. I təsnifat mərhələsində "Yablonets"ə rəqib olan "Qarabağ" səfərdə 0:5, Bakıda 0:3 məğlub olaraq mübarizəni dayandırıb.
 
çempionlar Liqasının 2000/01 mövsümündə "Şəmkir" çexlərə ilişib. II təsnifat mərhələsində "Slaviya" ilə üz-üzə gələn komanda hər iki matçda uduzub – səfərdə 0:1, evdə 1:4.
 
"Slaviya" UEFA Kubokunun 2006/07 mövsümndə "Karvan"ın da yolunu kəsib. II təsnifat mərhələsində baş tutan duelin çexiyadakı ilk matçında qolsuz heç-heçə qeydə alınıb. Bakıda isə rəqib 2 cavabsız qolla mərhələ adlayıb.
 
Növbəti qarşılaşmalar "Qarabağ"ın adı ilə bağlıdır. Ağdam klubu çempionlar Liqasının 2016/17 mövsümünün II təsnifat mərhələsində məhz "Voktoriya"ya rəqib olub. çexiyadakı ilk görüş 0:0 başa çatıb. Bakıda isə qollu – 1:1 hesablı heç-heçə rəqibin mərhələ keçməsi üçün kifayət edib.
 
Həmin mövsüm yoluna Avropa Liqasında davam edən "Qarabağ" digər çexiya klubu "Slovan"la eyni qrupa düşüb. Bu dəfə də nəticə uğursuz alınıb. Bakıda 2:2 heç-heçə edən "atlılar" səfərdə 0:3 uduzub.
 
"Qarabağ" "Viktoriya" ilə bir dəfə də yoxlama oyununda üz-üzə gəlib. 2019-ci ildə Avstriyada baş tutan qarşılaşmada qalib müəyyənləşməyib – 2:2.
 
"Qarabağ"la "Viktoriya" arasındakı ilk matç avqustun 17-də Tofiq Bəhramov adına Respublika stadionunda keçiriləcək. Matç 20:45-də start götürəcək. futbolpress.az

XƏBƏRİ PAYLAŞ
  • gplus
  • pinterest