"Bavariya" münhenlilərin vingeri Maykl Olisenin gələcəyi ətrafındakı qeyri-müəyyənlik fonunda "Liverpul"un yarımmüdafiəçisi Florian Virtsin transferini nəzərdən keçirir.

Matc.az xəbər verir ki, bu barədə "Bild" nəşri məlumat yayıb.

Bildirilir ki, Münhendə heyətin Olisesiz inkişaf variantları planlaşdırılır – oyunçunun klubdakı uzunmüddətli perspektivləri qeyri-müəyyən olaraq qalır. Həmçinin Olisenin İspaniyaya mümkün keçidi ilə bağlı şayiələr geniş müzakirə olunur.

Yay "transfer pəncərəsi"ndə mediada "Real"ın Oliseni heyətinə qatmağa çalışması barədə məlumatlar yayılmışdı. Madridlilərin hücumçusu, Olisenin Fransa millisindəki komanda yoldaşı Kilian Mbappenin də onu Madrid klubuna keçməyə razı salmağa çalışdığı bildirilirdi.

Qeyd edək ki, Virts 2025-ci ilin iyununda Leverkuzen "Bayers"indən "Liverpul"a keçib.