Niderland millisinin kapitanı və mərkəz müdafiəçisi Vircil van Deyk komandasının Yaponiya ilə heç-heçə etdiyi dünya çempionatının qrup mərhələsi qarşılaşmasında matçın ən yaxşı oyunçusu elan olunub. Bu görüş 2:2 hesabı ilə başa çatıb.

Matc.az xəbər verir ki, bu barədə məlumat turnirin rəsmi resurslarında yer alıb.

34 yaşlı futbolçu oyuna ilk dəqiqələrdən başlayıb və meydanda 90 dəqiqə mübarizə aparıb. O, bir qol, səkkiz top uzaqlaşdırma və bir top qapma ilə yaddaqalan olub. Niderlandlı futbolçu dörd ikitərəfli mübarizənin üçündən (hər üçü hava mübarizəsi) qalib ayrılıb. Onun ötürmələrinin dəqiqliyi isə 93 faiz təşkil edib.

Növbəti turda Niderland millisi iyunun 20-də İsveçlə qarşılaşacaq. Yaponiya seçməsi isə iyunun 21-də Tunis komandası ilə üz-üzə gələcək.

Qrup mərhələsi iyunun 11-dən 27-nə qədər davam edəcək. Komandalar bir-biri ilə dairəvi sistemdə mübarizə aparırlar. Pley-off mərhələsinə hər qrupdan ilk iki yeri tutan komandalarla yanaşı, üçüncü yeri tutan ən yaxşı səkkiz kollektiv də vəsiqə qazanacaq.