PSJ-nin hücumçusu Randal Kolo Muani Paris klubunu tərk edə bilər.

Matc.az xəbər verir ki, bu barədə məlumatı AS paylaşıb.

Bildirilir ki, fransız forvard klubdakı oyun praktikasının azlığından narazıdır.

PSJ isə öz növbəsində Muaninin transferi üçün təkliflərə açıqdır. Paris klubu qış transfer pəncərəsində futbolçunu satmaq niyyətindədir.

Muani üçün artıq İngiltərədən bir neçə icarə təklifi də var.

Qeyd edək ki, 25 yaşlı hücumçunun PSJ ilə müqaviləsi 2028-ci ilə qədərdir. "Transfermarkt" portalında futbolçunun dəyəri 40 milyon avrodur.