Rusiyanın “Fakel” klubunun qapıçısı Vitali Qudiyev Azərbaycan millisində oynamaq variantına münasibət bildirib. Matc.az xəbər verir ki, 29 yaşlı qolkiper buna can atmadığını söyləyib.

Onun üçün əsas hədəf Rusiya yığmasına düşməkdi: “Azərbaycan millisində oynamağımla bağlı söz-söhbətlər gəzir. Ancaq mən Rusiyada irəliləmək istəyirəm. Prioritetim Rusiya millisidi”.

Qeyd edək ki, Vitali Qudiyev vaxtilə Azərbaycan millisinin formasını geyinmiş sabiq qolkiper Kazimir Qudiyevin oğludu.