İngiltərənin "Sauthempton" klubu Premyer Liqanın digər təmsilçisi "Arsenal"ın qapıçısı Aaron Ramsdeyli transfer edib.

Matc.az xəbər verir ki, bu barədə klubun mətbuat xidməti məlumat paylaşıb.

Bildirilir ki, 26 yaşlı qolkiperlə 4 illik müqavilə imzalanıb. Tərəflər sonradan bu müddəti daha bir mövsüm uzatmaq imkanına malikdir.

Qeyd edək ki, 2021-ci ildən "Arsenal"ın formasını geyinən Ramsdeyl 78 oyuna çıxıb. Həmçinin 2021-ci ildən bəri İngiltərə millisinin heyətində 5 oyunda iştirak edib.