“Napoli” “Benfika”nın braziliyalı vinger David Neresin transferini rəsmən açıqlayıb.

Matc.az xəbər verir ki, 27 yaşlı futbolçunun transferi “Napoli”yə 30 milyon avroya başa gəlib.

Neres İtaliya klubu ilə 2028-ci ilin yayına qədər müqavilə imzalayıb və daha bir mövsüm uzadılması ehtimalı var.

Qeyd edək ki, ötən mövsüm Neres “Benfika”"nın heyətində bütün turnirlərdə 35 matçda 5 qol vurub, 10 məhsuldar ötürmə edib.