“Real”ın baş məşqçisi Karlo Ançelotti Madrid klubundan nə vaxt ayrılacağı və milli komandalara baş məşqçi gedəcəyi barədə açıqlama verib.

“Real”ın baş məşqçisi Karlo Ançelotti Madrid klubundan nə vaxt ayrılacağı və milli komandalara baş məşqçi gedəcəyi barədə açıqlama verib.

Matc.az xəbər verir ki, italiyalı mütəxəssis bu barədə “Sky Sport Italia”ya danışıb:

“Nə vaxt dayanacağımı bilmirəm. Yəqin ki, klub məndən bezəndə “Real”dan ayrılacağam və bundan sonra nə edəcəyimi düşünməli olacam. Əminliklə deyə bilərəm ki, milli komandalarda işləməyə münasibətim mənfidir. Mən gündəlik işə üstünlük verirəm. Məşqçilik etdiyim bir çox komandalar arasında “Real” və “Milan” ən çox işlədiyim klublardır”

Xatırladaq ki, italiyalı Karlo Ançelottinin aparıcı çempionatlarda məşqçi kimi karyerası hələ 1996-cı ildə, “Parma”ya rəhbərlik etdiyi vaxt başlayıb. “Real”dan əvvəl o, “Yuventus”, “Milan”, “Çelsi”, PSJ, “Bavariya”, “Napoli” və “Everton” kimi klubları çalışdırıb.