Futbol üzrə Azərbaycan I Liqasının XXVI turununun ilk günündə iki görüşü keçirilib.

Matc.az xəbər verir ki, turun mərkəzi matçında “Qaradağ Lökbatan” dogma meydanda “Şamaxı”nı qəbul edib.

Görüş qonaqların qələbəsi (2:3) ilə başa çatıb. Bu nəticənin ardından Şamaxı təmsilçisi xallarının sayını 54-ə çatdıraraq turnir cədvəlində vahid liderliyə yüksəlib. Qaradağ təmsilçisi isə 53 xalda qalıb.

Günün digər görüşündə isə “İmişli” I Liqanın autsayderi “Araz Saatlı”nın qonağı olub. Ev sahibləri 2:1 hesablı qələbəyə sevinib.

Qeyd edək ki, çempion olan komandanın adına sonuncu – XXVII turda aydınlıq gələcək.