10 Oktyabr 2021, 16:06
FUTBOL

Portuqaliyanın "Benfika" klubunun yeni prezidenti seçilib. Matc.az klubun saytına istinadən xəbər verir ki, "Benfika"nın yeni prezidenti keçmiş futbolçu Rui Koşta olub.
 
O, seçkidə 84,48 faiz səs toplayaraq, "Benfika"nın sayca 34-cü prezidenti seçilib.
 
49 yaşlı Koşta klub prezidenti seçildikdən sonra açıqlama verib:
 
"Bu tarixi seçimin ən böyük qalibi "Benfika" klubudur. "Benfika" üçün tarixi və çox gözəl bir gün keçirdik. "Benfika" bu seçimlərdən çox daha güclü şəkildə çıxır".
 
Rui Koşta futbolçu karyerası ərzində Portuqaliya millisinin və "Benfika", "Fiorentina", "Milan" kimi klubların formasını geyinib.

XƏBƏRİ PAYLAŞ
  • gplus
  • pinterest