Bu gün Avropa Liqasında I təsnifat mərhələsinin cavab oyunları keçirilir. Matc.az saytının məlumatına görə, Azərbaycanı bu turnirdə təmsil edən "Neftçi" yeni mövsümdə doğma arenasında ilk görüşünə çıxıb.

Azərbaycanın futbolunun flaqmanı "Sperantsa" ilə qarşılaşıb. çempionatımızın gümüş mükafatçısı Moldovada 3 cavabsız qolla qalib gəldiyindən, bugünkü oyunu formal xarakter daşıyırdı. 

Ancaq yenə də reytinq xalını artırmaq üçün "ağ-qaralar" "Bakcell Arena"da da rəqibini məğlub etməyi hədəfləmişdi. Azərbaycan təmsilçisi bu dəfə daha əzici hesabla qalib gələrək, növbəti mərhələyə vəsiqəni təmin edib.

Avropa Liqası
I təsnifat mərhələsi, cavab oyunu
18 iyul

"Neftçi" (Azərbaycan) – "Sperantsa" (Moldova) 6:0
Qol: V.Platellas, 18; 40. E.Mahmudov, 24-pen. D.Federiko, 42. S.Monroz, 67. İ.Zülfüqarlı, 78.
Hakimlər: Yulian Veynberger, Maksimilian Kolbiç, Mixael Nemets, Andreas Heyss (hamısı Avstriya)
Hakim-inspektor: Albano Yanku (Albaniya)
UEFA nümayəndəsi: İvan Lekov (Bolqarıstan)
Bakı. "Bakcell Arena"
İlk oyun – 3:0

Neftçi: 1. Səlahət Ağayev, 5. Anton Krivotsyuk, 6. Voyislav Stankoviç, 8. Emin Mahmudov (k), 10. Dario Federiko, 11. Vangelis Platellas, 19. Rauf Əliyev, 25. Kiril Petrov, 26. ömər Buludov, 28. Stiven Monroz, 36. Mamadu Kane.
Ehtiyat oyunçular: 30. Aqil Məmmədov, 3. Mamadu Mbodj, 7. Namiq Ələsgərov, 17. Rəhman Hacıyev, 18. Tural Axundov, 80. İsmayıl Zülfüqarlı, 93. Soni Mustivar.
Baş məşqçi: Roberto Bordin.