"Şaxtyor"un baş məşqçisi Arda Turan Türkiyə milli komandasının yeni sükanı arxasına keçəcək.

Matc.az xəbər verir ki, bu barədə insayder Nikolo Skira məlumat yayıb.

Bildirilir ki, bir müddət əvvəl Türkiyə yığmasının baş məşqçisi postundan qovulan Vinçenso Montellanı məhz Turan əvəz edəcək.

39 yaşlı mütəxəssisin Ukrayna təmsilçisi ilə müqaviləsi 2027-ci ilin yayına qədərdir. Onun Donetskin "Şaxtyor" klubundan ayrılacağı, yoxsa hər iki vəzifəni eyni vaxtda yerinə yetirəcəyi hələlik dəqiqləşməyib. Klub rəhbərliyinin məşqçinin yığmaya mümkün təyinatına münasibəti də hələ ki məlum deyil.

Arda Turan 2025-ci ilin yayından bəri "Şaxtyor"a rəhbərlik edir. Buna qədər isə o, iki il ərzində ölkəsində "Eyüpspor"da çalışıb. Keçmiş yarımmüdafiəçi 2006-2017-ci illərdə Türkiyə millisinin heyətində 100 oyun keçirib və 17 qol vurub.

Qeyd edək ki, "ay-ulduzlular" 2026/27 Millətlər Liqasının ilk 4 oyununun hamısında məğlub olaraq xal qazana bilməyiblər.