"Bavariya" yanvar ayında Dani Olmonu transfer etməkdə maraqlıdır.

Matc.az xəbər verir ki, bu barədə "Sky Sports" nəşri məlumat yayıb.

Bildirilir ki, münhenlilər digər klubların Cəmal Musiala və Maykl Oliseyə artan marağı fonunda yeni hücumameyilli yarımmüdafiəçi transfer etmək imkanlarını nəzərdən keçirirlər.

Vurğulanır ki, "Bavariya" Olmonun "Leypsiq"də çıxış etdiyi dövrlərdən bəri ona uzun müddət maraq göstərib və ispan oyunçunun "Barselona"ya keçidindən sonra da onun inkişafını izləməyə davam edib.

28 yaşlı futbolçunun transfer dəyəri təxminən 70 milyon avro qiymətləndirilir.

Cari mövsüm La Liqada Olmo 7 matçda meydanda olub və 3 məhsuldar ötürmə ilə yadda qalıb.