Belçikalı hücumçu Romelu Lukaku yay "transfer pəncərəsi" dövründə "Napoli"ni tərk edə bilər.

Matc.az xəbər verir ki, bu barədə "La Gazzetta dello Sport" idman nəşri məlumat yayıb.

Bildirilir ki, neapollular 10 milyon avro civarında olan təklifləri dəyərləndirməyə hazırdırlar.

İyul ayında klub rəhbərliyi belçikalı oyunçunun maaşının azaldılmasını müzakirə etmək üçün onun meneceri Federiko Pastorello ilə görüşüb. Lakin futbolçu maaşının azaldılmasından imtina edib. Bu səbəbdən Lukakunun hazırkı müqaviləsinin 2027-ci ilin iyununa qədər olmasına baxmayaraq, tərəflər əməkdaşlığı dayandırmaq qərarına gəliblər.

"Transfermarkt" portalı onun dəyərini 6 milyon avro qiymətləndirir.

Xatırladaq ki, Romelu 2024-cü ilin yayında "Napoli"yə keçib. O, o vaxtdan bəri komandanın heyətində 45 oyuna çıxıb, 15 qol və 11 məhsuldar ötürmə ilə yadda qalıb. Neapollularla birlikdə iki kubok - İtaliya çempionluğu (2024/25) və ölkə Superkubokunu (2025/26) qazanıb.

Lukaku 2026-cı il dünya çempionatından Belçika millisi ilə turnirin 1/4 finalında İspaniyaya 1:2 hesabı ilə uduzaraq mübarizəni dayandırıb. Romelu bu dünya çempionatında 3 qol vurub və 1 məhsuldar ötürmə edib.