UEFA Konfrans Liqasının 2-ci təsnifat mərhələsində "Araz-Naxçıvan"ın rəqibi olan "Aris" növbəti transferini rəsmiləşdirib.

Matc.az xəbər verir ki, Yunanıstan təmsilçisi Fredrik Yenseni heyətinə qatıb. Bu barədə klubun mətbuat xidməti məlumat yayıb.

Son klubu "Auqsburq" olan finlandıyalı yarımmüdafiəçi ilə 3 illik müqavilə imzalanıb.

Qeyd edək ki, "Araz-Naxçıvan"la "Aris" arasındakı ilk oyun iyulun 24-də Bakıda baş tutacaq. Cavab görüşü isə 1 həftə sonra Yunanıstanda keçiriləcək.