Sabah futzal üzrə Yüksək Liqada pley-off mərhələsinin 3-cü oyunları keçiriləcək. Matc.az Azərbaycan Futzal Federasiyasının rəsmi saytına istinadən xəbər verir ki, bu görüşləri bir neçə futzalçı kənardan izləyəcək.

Belə ki, sarı vərəqə limitini doldurduğuna görə EKOL-dan Fərid Ələkbərov, "Neftçi"dən isə Salar Şahnazi qarşıdakı oyunu buraxacaq. Son matçda qırmızı vərəqə alan Ramiz çovdarov da EKOL-a kömək edə bilməyəcək. Emin Kürdovla (EKOL) Rüfət Balakişiyevin (Neftçi) cəzası isə davam edir.

Əvəzində "Araz"ın iki oyunçusunun cəzası başa çatır. Belə ki, Xətai Bağırov və İsa Atayev meydana çıxa biləcək.