“Barselona”nın yetirməsi Riki Puç “Los Anceles Qalaksi” ilə yeni müqavilə imzalayıb.

Matc.az xəbər verir ki, bu barədə məlumatı MLS klubunun rəsmi saytı paylaşıb.

Bildirilir ki, ispaniyalı futbolçunun yeni müqaviləsi 2027-ci ilin sonuna qədər nəzərdə tutulub.

Qeyd edək ki, 24 yaşlı ispaniyalı 4 avqust 2022-ci ildə “Barselona”dan “Los Anceles Qalaksi”yə transfer edilib. O zamandan bəri o, Amerika klubunda 61 oyun keçirib, 17 qol vurub və 11 məhsuldar ötürmə edib.