"Qarabağ"la oyunda özümü ən yaxşı tərəfdən göstərməyə çalışacam". Matç.az saytının məlumatına görə, bunu "Arsenal"ın yarımmüdafiəçisi Aleks İvobi deyib.

London klubu Avropa Liqasının qrup mərhələsi çərçivəsində son görüşünü dekabrın 13-də Azərbaycan çempionuna qarşı keçirəcək.

Bu mövsüm daha çox ehtiyatdan meydana daxil olan İvobi qarşıdakı oyunda start heyətində yer alacağına inanır. Nigeriya millisinin üzvü "Emireyts"dəki görüşdə yaxşı çıxışı edəcəyinə əmindi: "Premyer Liqada "Haddersfild"lə oyunun ikinci hissəsində meydanda oldum. Baş məşqçimiz məndən razı qaldığını söylədi. Hər kəsi yaxşı mənada təəccübləndirmək üçün "Qarabağ"la matçda da şans əldə etmək istəyirəm".

XƏBƏRİ PAYLAŞ
  • gplus
  • pinterest