23 Avqust 2020, 21:46
APL

"Qəbələ"nin baş məşqçisi Elmar Baxşıyev Azərbaycan Premyer Liqasının 1-ci turu çərçivəsində "Zirə"yə qarşı keçirdikləri oyunu şərh edib.

"Qəbələ"nin baş məşqçisi Elmar Baxşıyev Azərbaycan Premyer Liqasının 1-ci turu çərçivəsində "Zirə"yə qarşı keçirdikləri oyunu şərh edib.
 
Matc.az xəbər verir ki, əyalət təmsilçisinin çalışdırıcısı doğma meydanda 1:1 hesablı bərabərliyə razılaşdıqları oyundan sonra təşkil olunan mətbuat konfransında bunları söyləyib:
 
"Uzun müddətdən sonra futbolun qayıtması həm bizi, həm sizi sevindirir. Əlbəttə, asan olmayacağını bilirdik. Uzun müddət futbolsuz qalmışdıq. Hər məşqdə hiss edirik ki, futbolçular əvvəlki formalarına qayıdırlar. çatışmazlıqlarımız olsa da, ümid edirik ki, vaxt keçdikcə daha güclü "Qəbələ" görəcəyik. İlk oyun həmişə çətin olur. Həm "Qəbələ", həm də "Zirə" bu gün hücumameylli futbol oynadı. Matçın ən ədalətli nəticəsi kimi heç-heçəni görürəm. Hər iki komandanın şansları var idi. İnanıram ki, getdikcə daha da komplektləşləşəcək, komanda kimi formalaşacaq və yaxşı oyun nümayiş etdirəcəyik. Rəhbərliyə də xahişimi çatdırmışam ki, güclənməyə ehtiyacımız var. Qarşıdakı günlərdə yeni oyunçuların gəlməyi gündəmdədir. Hələlik gedən futbolçuların yerini doldurmaq istəyirik. İvitsa Juniç getdi və onun yerinə Yurgen Qoxa gəldi. Klesio Bauk və Fernan Lopesin yerini doldura bilməmişik. Bu yöndə işlər davam edir. Nikolas Raysel çox keyfiyyətli futbolçudur. O, hücumameylli zonaların hər birində oynamağı bacarır. Verilən tapşırıqları layiqincə yerinə yetirir. Bu matçda rəqibə uyğun sxem seçmişdik və onun hücumun arxasında oynaması lazım idi".

XƏBƏRİ PAYLAŞ
  • gplus
  • pinterest