"Səbail"in futbolçusu Ağabala Ramazanov Azərbaycan Premyer Liqasında 150-ci oyununu keçirib. Matc.az xəbər verir ki, bu, VIII turun "Sumqayıt"la matçına (0:2) təsadüf edib.

ölkə çempionatında 2011/12 mövsümündə "Neftçi"nin futbolçusu kimi debüt edən hücumçu 150-yə iştirakçısı olduğu 9-cu çempionatda çatıb. O, ümumilikdə 6 komandanın formasını geyinib. "Xəzər Lənkəran"da daha çox – 59 oyun keçirən Ağabala "Sumqayıt"da 33, "Səbail"də 26, "Qarabağ"da 18, "İnter"də (indiki "Keşlə") 13, "Neftçi"də 1 dəfə meydana çıxıb.

Qeyd edək ki, Ramazanov Azərbaycan çempionatları tarixində 150 və daha çox oyun keçirən 230-cu futbolçudur.