İngiltərə Premyer Liqasının rəsmi saytında 2026/2027 mövsümündə komandalar tərəfindən istifadə ediləcək "Puma"nın hazırladığı yeni top təqdim edilib.

Matc.az xəbər verir ki, bu, "Puma"nın Premyer Liqa üçün rəsmi top təchizatçısı kimi ikinci mövsümüdür.

Topun dizaynı əvvəlki mövsümün versiyasından çəhrayı, firuzəyi, mavi və bənövşəyi rəngli vurğularla fərqlənir. Yeni dizayn hava axınını tarazlaşdırır və müqaviməti azaldır.

Yeni konstruksiya topun daha dəqiq və ardıcıl trayektoriyasını təmin edir. Daha kobud, teksturalı xarici səth isə top havada hərəkət etdikcə sürəti və sabitliyi qorumaq üçün nəzərdə tutulub.