"Mançester Siti"nin futbolçusu Savinyo yay transfer pəncərəsində klubunu dəyişə bilər.

Matc.az xəbər verir ki, bu barədə "The Touchline" nəşri məlumat yayıb.

50-60 milyon avroluq bir təklif gələcəyi təqdirdə, "şəhərlilər" 22 yaşlı vingerin gedişinə icazə verəcəklər.

​Ötən il "Tottenhem" braziliyalı futbolçunu heyətinə qatmağa çalışsa da, həmin vaxt "Mançester Siti" onun satışından imtina etmişdi.

​"Transfermarkt" portalının dəyərini 40 milyon avro qiymətləndirdiyi Savinyo cari mövsümdə Pep Qvardiolanın komandasının heyətində bütün turnirlərdə 35 matça çıxıb, 4 qol və 3 məhsuldar ötürmə ilə yadda qalıb.