"Başakşehir"in yarımmüdafiəçisi Olivye Kemen İstanbulda klubunu dəyişməyə yaxındır.

Matc.az "237foot"a istinadən xəbər verir ki, "Beşiktaş" kamerunlu futbolçunu transfer etmək istəyir.

"Qara qartallar" mövsüm bitdikdən sonra Kemen üçün onun klubu ilə danışıqlara başlayacaq. Futbolçu özü "Beşiktaş"a keçməyin əleyhinə deyil.

Qeyd edək ki, "Başakşehir" Olivye Kemeni ötən ilin yanvar ayında "Kayserispor"dan transfer edib. 28 yaşlı oyunçu bu mövsüm Super Liqa təmsilçisinin heyətində keçirdiyi 39 oyunda 3 qol vurub, 11 qol ötürməsi edib.